Díli, 15/09/2025. Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Tékniku, Sr. José Filipe Ximenes Smith, partisipa iha Semináriu Nasionál kona-bá Desentralizasaun iha Timor-Leste: Progresu, Dezafiu no Oportunidade, Dalan ba Poder Lokál, ne'ebé realiza iha salaun Delta Nova, Díli.
Semináriu Nasionál ne’e, realiza liuhosi kooperasaun servisu entre Ministériu Administrasaun Estatál (MAE) no programa PARTISIPA no abertura direta hosi S.E MPIE ho objetivu, hodi ko’alia kona-bá progresu ne’ebé mak atinji ona, dezafiu ne’ebé enfrenta no oportunidade saida de’it mak atu explora no dezenvolve iha ámbitu desentralizasaun administrativu institusionál hodi bele hakat ba poder lokál.
Iha okaziaun ne’e, asina termu entrega ekipamentu eletróniku hosi Governu Austrália ba Governu Timor-Leste liuhosi MAE, hafoin entrega fila-fali ba Prezidente Autoridade Munisípiu sira.
Partisipa iha Semináriu Nasionál ne’e, S.E MAE, S.E MPIE, reprezentante Embaixadór Austrália nian, dirijente hosi MAE Prezidente Autoridade Munisípiu sira, Ministériu relevante no partisipante relevante sira seluk
Share on Social Media:
